HomeHealth

Tulsi Plant ke Faide aur hamare jeevan mein upyogita

Like Tweet Pin it Share Share Email

Tulsi Plant ke Faide aur hamare jeevan mein upyogita

Tulsi hamare desh mein lagbhag har ghar mein mil jaata hai. hum tulsi plant kyoon lagate hai. aur tulsi plant ki hamare jeevan mein kya upyogita hai. aaj hum is barein mein hi discuss karenge.

purane jamane se hi yeh samjha jaata hai ki jis ghar mein tulsi plant hota hai. us ghar mein koi rog ya bimaari kadam nahi rakh sakti. isliye bharat ke hindu dharm mein tulsi plant ka bada mahtva hai. aur tulsi plant ko bharat ke hindu ek divy plant mante hai. aur iski pooja bhi ki jaati hai. Hindu dharm mein yeh bhi manyta hai ki jis ghar mein tulsi plant hota hai voh ghar kisi teerth ki tarah pavitra yaani paak saaf hai. aur is ghar mein kabhi koi bimari nahi hogi. aur hogi bhi to tulsi plant ke upyog se us bimari ko asaani se theek kiya ja sakta hai.

Tulsi plant ke barein mein kaha jaata hai ki hawa ko saaf karti hai aur aapko pure oxygen deti hai. isse khoon saaf hot hai. aapke lungs mazboot aur saaf hote hai. apka shareer bahar aur andar dono taraf se bimari se azaad hota hai.

Tulsi plant hi ek aisa plant hai jo hava, paani ko naturally saaf karta rahta hai. jisse iske aas paas rahne wale logon ko saaf aur taazi hawa milti rahti hai. iske aas paas rahne shareer takatwar aur nirogi banta hai. tulsi mein ek chemical paya jaata hai. jisse yeh badboo aur gandgi ko door karta hai.

Tulsi plant ke barein mein yeh bhi kaha jaata hai ki isme electricity hoti hai. isliye bharat mein log tulsi ki maala gale mein pahnte hai. jisse unke shareer mein electricity ka sanchaar hota rahta hai aur tulsi ki maal pahnne se insaan bahoot saare bacterial infection se bach jaata hai. tulsi ki tea banakar peene se bukhar, aalas aur pet ki bimariyan door hoti hai.

tulsi plant ke patton ko paani mein peeskar uska ubtan lagane se chehre aur sharir ki khoobsurti badhti hai. tulsi muhase, jhai aur safaid daag bhi door karti hai.

Aap Tulsi plant ko jin bimariyon mein istemaal kar sakte hai. woh yeh hai:-

Aadha Sisi Ka dard : tulsi ke patton ko kalimirch ke saath peeskar usko soonghne se aadha sisi ka dard door hota hai.

Need Nahi aana : agar aapko need nahi aane ki problem hai to aap tulsi plant ki pattiyon ko apne takiye ke niche rakh kar soiye kuch din mein aapko naturally need aane lagegi.

Chakkar Aana : tulsi ke ras mein Honey milakar pine se chakkar aana door ho jaate hai.

Sir Dard : sir dard mein tulsi ke patton ko maathe par malne, kaan ke aas paas ragadne aur tulsi ke patton ka ras ko ungli se naak mein lagane se Sir ka ka dard band ho jata hai.

Lakwa : tulsi ke patton ko paani mein ubaal kar lakwe ki jagah ya ang par lagataar 20 se 30 din dhone se lakwe mein faida hoga.

Jukaam : jab tez jukaam aur sir dard ho to chay (Tea) mein kuch tulsi ki manzri aur 2 choti ilaychi ki chai (Tea) banakar pine se Jukaam aur sir dard mein raahat milti hai.

Pet Dard : pet dard bahoot hi pareshan karne wala hota hai. lekin agar tulsi aur adrak ka ras banakar piya jaaye to pet dard bhi door ho jaata hai.

Paachan/Hajma : tulsi ke patton ko peeskar paani ke saath pine se paachan/Hajma theek hota hai.

Also Read : Eye Stye/Guheri/Gujni- गुहेरी का घरेलू इलाज़

Bawasir/masson mein tulsi ka ilaaz : tulsi ki pattiyon ka ras masson mein lagane aur tulsi ke beez din mein 2 baar khane se bawasir ka rog theek ho jaata hai.

tulsi plant ke aur bhi bahoot saare faide hai jaise, Heza, daad, khaj, khujli, mooh ke chhale, chechak ka bukhar, khansi, sardi jukaam, peeliya, daanton ka dard, gale ka dard ityadi sabhi bimariyon mein tulsi ka istemaal karne se faida hoga.

” upar likhi gayee sabhi jankariya hamne bujurgon se suni hai aur iska istemaal karne se bahoot se logon ko faida mil jaata hai. upar likhi jaankari tulsi ke faide batane ke liye likhi gayee hai. aapse anurodh hai ki Vaise to tulsi natural hai aur kisi bhi tarah nuksaan dayak nahi hai. fir bhi tulsi ka istemaal gambhier bimariyon mein lene se pahle kripya kisi ayurveda charya se sampark kiya jaaye jisse apko woh tulsi ki matra kitini leni hai. bataye to behtar hoga.” uprokh article kewal tulsi ki upyogita batane ke liye likha gaya hai. Har kisi ko isse faida ho hi jaaye is baat ki guarantee nahi li ja sakti ” isliye tulsi ka istemaal apne vivek se karna behtar hai.” 

aapko uprokt jankari kaisi lagi niche comments box mein comments kijiye. aur apne doston aur relatives mein ise share kijiye. 

कब्ज़ का घरेलू इलाज़ – Kabz Ka Ilaaz

 

 

Comments (0)

Leave a Reply