Hindi News

NATA Exam 2017 ab offline Honge

Nata Exam ab offline hi honge :

NATA Exam : Bhartiya vastukala parishad ne vastukala se sambandhit B-Arc pathykram mein pravesh ke liye online pariksha ke option ko hata diya hai ab yeh exam offline hi hoga.

Parishad ke adhyaksh Shree Nayak ne yeh jankaari ek samachar patr ko dete huy kaha ki vastukala mein rashtriya paatrta pariksha ( Nata-National Aptitude Test in Architecture) ka exam kuch technical kaarno se offline hi hoga aur offline exam karaane mein jyada suvidha rahegi.
jab unse pucha gaya ki ” Aaj Digital yug mein sabhi Vibhag online Exam par zor de rahe hai to NATA exam hi kyoon offline ho raha hai ” To unhone bataya ki online exam karane mein kuch dikkate aa rahi thi isliye yeh faisla liya gaya hai . Unhone bataya ki 2006 se ye exam online hi ho raha tha lekin isme kaafi adhik samay lagta tha kyoonki online exam April se August tak chalte the jo ki badi lamba samaya hai. aur is dauran aisa bhi ho jaata tha ki koi Question repeat bhi ho jaane ki sambhavna hoti thi aur bahoot si aur bhi pareshaniya thee.
Nayak ne bataya ki NATA exam ab purane tarike yaani pen aur pensil se hoga. Shekshanik Varsh 2017-2018 mein pure desh mein 16 April 2017 mein ayojit ki jayegi, aur yeh do bhagon mein hogi pahle bhag 200 marks ki hogi. dono bhagon mein 90-90 minute ka samay hoga. is exam mein Mathamatics, Samany Abhikshamta aur drawing tatha avlokan koushal se sambandhit sawal honge. aur yeh exam pure desh mein 70 kendr par hoga.
Unhone yeh bhi kaha ki sarkaar ko yeh bhi sifarish ki gayee hai ki agali baar se Entrance exam ke liye physics, chemistry aur mathamatics ko anivary kiya jaaye. iske liye unhone karan bataya ki students ke vikas ke liye aisa hona chahiye kyonki vastukala sirf ek kala nahi hai balki ek prodhyogigi bhi hai iske liye mathamatics physics aur chemistry jaise subjects ki jankari bhi hona zaruri hai. Desh ko acche vastushilpi dene ke liye yeh sifarish ki gayee hai. yadi sarkaar is sifarish ko maan leti hai to varsh 2018 mein in subjects ke saath hi students yeh exam de payenge.

Advice : Samay ke saath Pariksha ki tithi mein badlaav ya Ghoshna mein bhi badlav kiya ja sakta hai isliye salah dijaati hai ki NATA se sampark mein rahe.

Post Comment