HomeGapshap 0 views

Nani Ki Kahani – Waqt Se Pahle Bhagya Se Jyada kabhi nahi milta

Nani Ki Kahani – Waqt Se Pahle Bhagya Se Jyada kabhi nahi milta
Like Tweet Pin it Share Share Email

Nani Ki Kahani– Waqt se Pahle Bhagya Se Jyada kabhi kisi ko kuch nahi miltayeh kahawat to aapne pahle bhi suni hogi, is kahawat ko siddh karne wali ek kahani aapke liye prastut hai. Asha hai aapko is kahani se jeevan ki ek sachchai ka anubhav hoga yeh ek prakaar se sikshaprad kahani hai jo hamein apne bacchon ko zaroor sunahi chahiye, kyoonki yeh kahani hamine siksha deti hai ki jeevan mein kabhi niraash nahi hona chahiye, jo bhi aapki kismat mein hai woh apko mil kar rahega.

Nani Ki Kahani: 

Kismat ka khel kahani maine apni nani se suni thi aaj aapke samaksh prastut hai Nani Ki Kahani

Ek samay ki baat hai kisi gaanv mein ek vidhva rahti thi, uska pati uske bete ke janm se pahle hi mar chuka tha. jab pati mara tha tab uske paas itna dhan tha ki woh apne bacche ko shishu awastha mein sambhal sake, Kintu woh dhan adhik samay tak uske paas baaki na raha ab uski haalat bahoot kharab ho chuki thi, uska putra bhi ab kishor ho chuka tha kintu usme itni samjhdhari nahi thi ko woh apne parivar aur maan ki gareebi door kar sake. dono ma-bete jaise tiase apne din gujaar rahe the. uske bete ka naam ‘hasmukh’ tha. ab woh kishor ho chala tha aur apni maan ki haalat dekh kar preshan hota rahta tha. ek din usne apni maan se puchha “maan ! hum itne gareeb kyoon hai” to maan ne uttar diya ” Yeh sab to bhagwan ki marzi hai beta, hamara naseeb hi aisa hai.”

Maan ki baat sunkar Hasmukh hairaan ho gaya fir usne maan se poocha “maan bhagwaan ki aisi marzi kyoon hai” baaki sab log to theek trah se rahte hai. woh sab accha khate hai acche kapde pahnte hai” bhagwaan ne aisa hamari kismat mein kyoon likha”

Dukhi hokar maan uttar diaya : “pata nahi beta yeh to bhagwaan hi bata sakte hai”

hasmukh ne kaha : ” theek hai maan agar bhagwan hi jaane to mein bhagwaan se iska uttar awashya lekar rahunga ki usne hamari kismat itne kharab kyoon banai?” tum batao maan bhagwan kahan milenge?,

Maan : “Pata nahi beta voh kahan milta hai, magar hamare rishi muni jangal mein tapasya kar ke bhagwaan ko khojte hai” magar tum sanyasi na ban jaana aur jangal ki taraf bilkul mat jaana.”

kintu Hasmukh ne to soch liya tha ki wo bhagwaan se yeh poonch kar hi rahega ki unki kismat itni buri kyoon hai? aur voh bina bataye jangal ki taraf chal diya, jangal bahoot hi ghana aur darawna tha, hasmukh kaafi der tak jangal mein ghoomta raha magar use bhagwaan nazar nahi aaya to wo thakkar ek ped ke niche baithh gaya.

tabhi sanyogvash bhagwaan shiv aur parwati maan ka us jangal se gujarna hua. unhone ghane jangal mein is baalak ko dekha to wo ruk gaye, aur unhone usse puccha “tum kon ho aur is ghane jangal mein kya kar rahe ho?

“mein bhagwan ko dhoond raha hoon apne dekha hai kahi unko?”

parwati : kyoon tumhe kya kaam hai bhagwan se:

Hasmukh : Mein janna chahta hoon ki hum itne greeb kyoon hai, dusron ki tarah hamari kismat kyoon theek nahi hai ?

bhagwan shiv aur parwati ko ashchary hua kintu balak ka sahas dekh kar bahoot khush huye aur parwati ji ne shiv ji se kaha ” prabhu ! is balak ka kuch kijiye”

Shiv ji : nahi hum kuch nahi kar sakte kyoonki iske bhagy mein yahi likha hai

parwati : nahi prabhi aisa mat kahiye balak bahoot dukhi hai aur apko kuch to karna hi padega

Shiv ji : aap zid na karein parwati, jab tak iska bahgya hai tab tak yeh aise hi jeevan yapan karega. agar mein kuch madad bhi kar dunga to iske paas rukega nahi,

Parwari : nahi prabhu meri kahtir aapko is balak ki madad karni padegi” jab parwati zid karne lagi to Shiv ne apne gale se ek haar utaar kar us balak ko de diya”

keemti haar paakar hasmukh bada khush hua aur use lekar ghar ki taraf chal diya. parwati bhi bahoot khush thi aaj unhone kisi gareeb balak ki madad ki, kintu shiv ji jante the ki yeh dhan uske paas rahega nahi, hasmukh bada khush hokar ghar ki taraf ja raha tha ki ek baaz ne uspar hamla kiya aur uske haath se motiyon ka keemti haar lekar ud gya. hasmukh ne bahoot koshish ki magar woh baaz ki tarah ud nahi sakta tha. woh ghar pahucha aur maan ko bataya ki aaj use bhagwan mile the unhone use keemti haar diya tha. magar use ek baaz lekar ud gaya. maan ko bhi ashcharya hua ki aisa kaise ho sakta hai. to maan uski baat ko uski mangadat baat samajh kar ansuna kar diya.
Kintu Hasmukh apne saath hui is durghatna se dukhi to tha kintu nirash nahi hua usne fir man banaya ki wo fir se shiv aur parvati ke paas jayega aur us baaz ko saja dilwayega. usne kiya bhi wiasa hi dusre din fir voh us ped ke niche baith gaya aur shiv parwati ka intezaar karne laga. shiv ji ko maloom tha ki unka diya haar baaz le uda hai to parwati ko samjhane ke liye wapas use raste se gujre. parwati ne us balak ko fir se dekha to shiv ji ka yaan rok liya fir shiv ji ne kaha dekho maine kaha uska bhagya hi aisa hai, kintu parwati ji fir se zid ki prabhu kuch kariye is balak ki samasya ka samadhan khojiye, shiv ji ne kaha hum kuch nahi kar sakte yadi tum zid hi kar rahi ho to hum bramha ji ke paas chalte hai shayad woh is balak ki koi madad kar dein. aur voh tino brambha ji paas pahunche aur agrah kiya ki is balak ki koi madad kar dijiye. Bramha ji us balak ko apne haath ki anguthi nikaal kar de di, voh balak fir khushi kushi ghar ki taraf chal diya. Hasmukh ka kal wali ghatna yaad thi isliye usne abki baar anguthi ko apni jaib me rakh liya taki fir se koi ghatna na ghate. raste mein use tez pyaas lagi to woh ek talab ke paas jakar paani pine laga. jaise hi woh pani pine ke liye jhuka to uski jaib se anguthi nikal kar paani mein gir gaye jise ek machchli ne nigal liya. Hasmukh fir se niraash hokar ghar aa gaya aur maan ko saari baat batayee.

Maan ne abki baar use daant diya aur use bhala bura kaha ki apnki nakamyabi ko chupane ke liye voh usse jhoot bol raha hai. Itna sab hone ke baad bhi hasmukh se apni maan ki halat dekhi nahi gayee aur woh fir se agle din usi paid ke niche pahoonch gaya shiv aur parwati iski is himmat ko dekhkar bahoot prasann the ab to shiv ji bhi chahte the ki balak itni mehnat aur zid ke saath baar baar bhagwan ke paas aa jaata hai ki uska bhagya kyoon kharab hai. abki baar shiv ji khud use wapis bramha ji paas le gaye aur kaha ki maharaaj is balak ke saath wapis wahi ghatna hui jo pichli baar hamari madad ke samay hui thi. to bhrmha ji ne shri hari ji ke paas bhej diya ki wahi is balak ki madad kar sakte hai to kar dein. nahi to iska bhagya aisa hi hai. shiv ji Hasmukh ko lekar Shri hari ji ke paas gaye Bhagwan shri hari ne us balak ko kucch heere moti de diye.

Hasmukh wapis ghar chala aur sambhalte hue jaise taise ghar pahooch gaya kintu is baar uski maan use ghar par nahi mili to usne samajhdaari dikhate huye motiyon ko ek bartan mein rakh diya aur ghar mein chupa diya. aur maan to dhoondne ke liye gaavn mein nikal gaya. usne maan to paa liya aur saari baat bataiyee. Maan bhi khushi khushi wapis ghar aayee to dekha ki ghar ka saara saamaan bikhra pada hai aur jo bhi unke kaam ki chijein thi woh sab gayab ho gayee hai. darasal unke ghar mein chron ne chori kar li aur voh chor motiyon ko bhi lekar chale gaye. Abki baar to hasmukh ko aur bhi gussa aa gaya. aur voh wapas usi paid ke paas pahuncha. Parwati aur Shiv ji har baar ki tarah is baar bhi wahin mile woh balak ki himaat aur dheeraj se bahoot prabhavit the baar baar asafalta milne par bhi Hasmukh koshish kar raha tha ki kaise maan ki haalat theek kar sake iske liye Hasmukh baar baar koshish kar rahatha. is baar shaiv ji aur parwati ji balak ko seedha kismat ki devi ke paas lekar gaye. Kismat ki devi se shiv ji ne agrah kiya ki devi uska bhagya badal dijiye aur kismat ki devi ne shiv ji ke agrah par use ek sone ka sikka diya. Balak Hasmukh is baar ghar pahucha aur maan ko sone ka sikka de diya. Maan apne bete ke is kary se bahoot khush hui. usne us sikke ko bechkar kuch zaruri saaman kharida aur hansi khushi rahne lagi.

Dusre hi din Maan ne Hasmukh se kaha ki vo talab se machhliya pakad le aaye, hasmukh talab par pahucha aur machhliyan pakad laya. maan ne jaise hi machhli ka pet kaata to usme se wahi anguthi nikli jo Hasmukh se gir gayee thi, use paakar Hasmujh aur maan dono bahoot khush huye. ek din maan ne hasmukh ko jangal se kuch lakdiya lane ko kaha to Hasmukh kulhadi lekar jangal mein gaya usne ek paid ke tane par kulhadi maari to us paid par us baaz ka ghhosla tha jisne uska haar chheen liya tha. woh ghonsla niche aa gira aur Hasmukh ne us haar ko apne kabze me lekar kuch lakdiya lekar ghar aaya aur maan ko de diya.

Ab to Hasmukh aur uski maan ki haalat sudhar gayee thi. woh bhi dusre logon ki tarah accha jeevan jine lage. aur bahoot khush the.

Kahani se milne wali pahli siksha : is kahani se yahi siksha milti hai ki jab tak aapki kismat mein koi cheej nahi hai tab tak aap kitne bhi prayaas kariya woh aapko nahi milegi,

Kahani se milne wali dursri siksha : Baar Baar milne wali asafalta se nirash hokar ghar mein nahi baith jaana chahiye koshish karte rahni chahiye. Kyoonki Agar Hasmukh asafal hone ke baad bhi niraash hokar koshish nahi karta to kya uska bhagya badalta. Nahi badalta.

Comments (0)

Leave a Reply

Your email address will not be published. Required fields are marked *