HomeHindi Blog Post

How to Impress Boss – बॉस की नज़र में अच्छा कर्मचारी

Like Tweet Pin it Share Share Email

How to Impress Boss – Agar kisi nayee company mein new joinee ke tor par jaate hai to har Employee ke dimaag mein yahi baat hoti hai ki woh kaise apne kaam, lagan aur mehnat se apne boss ko impress kare. Boss ko hi nahi balki saare staff ko impress kar sake. Magar kuch hi log hote hai jo aisa karne mein safal ho paate hai. Kuch hi log hote hai jo apne boss ko impress kar paate hai baaki employee kaam to theek karte hai magar woh company mein us mukaam par nahi pahoch paate jis mukaam ka woh sapna dekhte hai.

New Employee : New Employee par Boss aur HOD ki jyada nazar hoti hai. woh yeh dekhna chahte hai ki New Joinee kis prakaar kam kar raha hai aur uski ability kya hai woh kis had tak kamar tod mehnat kar sakta hai. Ho sakta hai jab aap New Employee ho to aap par kaam ka jyada bojh daal diya jaye. Aise mein aap lagataar aap ko jo jimmedaari di gayee hai us par kaam karte rahiye aur apne HOD ko iski jaankari dete rahiye. Kai baar aisa bhi hota hai ki aapke baarein mein HOD ya boss sidha aapse baat na karke aapke sathi karmchariyon se aapke baarein mein poonchta hai ki Naya Employee kese kaam karta hai. Isliye yeh zaruri hai ki aap jab bhi Naye logon ke saath kaam karein to unse behtar sambandh banane ka prayaas kariye. yadi aapme unse jyada yogyata hai to is baat ko unke saamne mat dikhaiye ya uska dikhava mat kariye uska dikhava sirf aur sirf HOD ya Boss ke saamne hi Kariye. kyoonki Boss purane employee par jyada bharosa karte hain aur unse aapke barein mein jankaari lete rahte hain.

Impress Your Boss before Appraisal : Appraisal ka time har employee ke liye badi aasha bhara hota hai. wo iska saal bhar tak wait karta hai aur ummeed laga kar rakhta hai ki is baar increment ya promotion theek se ho jaye. Magar kai baar aapki kadi mehnat aur lagan ke bawajood bahoot se logon ko unki ummeed ke anusaar increment nahi mil paata. Jabki aap kadi mehnat karke din raat kaam karte hai phir bhi Appraisal ke samay aap dusron se picche rah jaate hai aur dukhi ho jaate hai. Is post mein kuch tricks hai jinka use karke aap aap apne Appraisal ko behtar bana sakte hai. woh bhi Appraisal se pahle:
Show your work : Appraisal se Pahle aapne kaam ko jitna ho sake dikhane ki koshish kariye. Jo bhi kaam aap kaam karte hai uski jaankari kese na kaise apne Boss tak pahuchane ki koshish kariye Kyoonki karmchariyon ki bheed mein aapki saal bhar ki mehnat kahin dab kar na rah jaaye isliye aisa karna zaruri hai. Jo bhi kaam aap kar rahe hai woh karte waqt appraisal se pahle Boss se connection bana kar rakhiye aur us kaam ke barien mein unse discuss kijiye yadi koi accha aur behtar tarika aapke dimaag mein hai to use boss ke saamne discuss kijiye. yadi boss aapki baat se agree hota hai to use acche se kijiye aur agar agree nahi bhi hota hai to use unke hisaab se kariye aur badhiya tarike se kar ke boss ke saamne present karte rahiye. Yahan par aap HOD ko bhi avoid mat kariye aur dono ko sath lete huye apna kaam unhe dikhiye.

Help other Employee : Appraisal se Pahle aap apna hi kaam theek prakaar se mat kariye balki saath mein apne dusre karmchariyon ki madad bhi kijiye. Boss ya HOD ko woh karmchari bahoot pasand aatein hai jo team banakar kaam karte hai. team work bahoot zaruri hota hai. kisi bhi project karne ke liye. isliye project pura karne ke liye aap baaki karmchariyon se alag kuch karne ke koshish mat kariye balki jo project aapke team ke haath mein hai. use team banakar kijiye aur uski jaankaari bhi Boss aur HOD tak pahuchate rahiye. aur samay par apna project pura kijiye. Koshish kijiye ki aapki madad se aapke team ne project ko kaise pura kiya us baat ko Boss tak pahuchane ki koshish kijiye taaki unhe is baat ka dhyan rahe ki aapki madad se team ne is project ko kaise pura kiya.

Avoid Friendship : Har office mein kuch karmchari aise hote hain jinhe aap “UDASEEN” kah sakte hai. yaani aise karmchari jinka maksad sirf nokri karna hota hai aur mahine ki salary lene ka hota hai. yeh log napa tula kaam karte hai. aur extra effort nahi lagate. bas unki unki nokri bani rahi aisa kaam karte rahte hai. Aisa nahi hai ki unpar boss ki nazar nahi hota boss ki nazar unpar bhi hoti hai. To aap aise karmchariyon se jyada mail jol mat milaiye aur yaa aap aapki dosti agar unse hai bhi sahi to is baat ko boss tak mat pahuchne dijiye. office ke bahar aap unke saath jitna chahe dosti nibhaiye magar office mein unke saath jyada waqt gapshap mat lagaiye. Ho sakta hai aapki yogyta is wazah se kam aanki jaaye. Appraisal se Pahle is baat ka bhi dhyan rakhiye.

Upar likhi kuch baatein hai jinse aap apna increment theek thaak karwa sakte hai. Mehnat to sabhi karte hai. magar uska dikhawa bhi zaruri hai. aap neev ke patthar mat baniye balki gagan ko choomti imarat bannne ka prayaas kariye tab hi aap safalta pa sakte hai. Neev banne ke liye UDASEEN karmchari har office mein moujood hote hai. aap unse upar jaane ka prayaas kariye.

Comments (0)

Leave a Reply